![](https://utusansarawak.com.my/wp-content/uploads/2020/07/Collin-curiga-2-1.jpg)
![](https://www.utusansarawak.com.my/wp-content/uploads/2020/07/Collin-curiga-2-1.jpg)
SIBU: Polis ngetan seiku lelaki laban dipeda ngirauka ati ba atas beranda siti rumah di Jalan Pedada pagi kemari.
Sapit Kepala Polis Pelilih Sibu Superintenden Collin Babat madahka, orang ke ngaga kompelin nemu lelaki nya bisi ba endur nya lebuh iya ninga munyi ke ragak ba luar rumah nya.
“Lebuh orang ke ngaga kompelin meresa ba mua pintu bilik, iya tepedaka seiku lelaki ke enda dikelala megai siti tangga aluminium ba luar.
“Lebuh ditanya, suspek madahka diri deka ngaduka air-condition ba luar rumah nya. Orang ke ngaga kompelin nya irau sereta terus ngangauka polis,” ku iya madahka pengarang berita kemari.
Ku iya, pengudah nerima penerang ke baka nya raban polis berumban ngelawa endur nya bejalaika pengawa mansik.
“Lebuh suspek ditanya sereta ditasat, iya enda ulih meri batang kebuah ke engkeman nama kebuah iya bisi ba endur nya.
“Ari asil pengawa mansik suspek ke beumur 31 taun nya bisi 12 rikot jenayah enchuri reta tengkira enggau narkotik. “Suspek dibai ngagai Balai Polis Sentral Sibu