KUALA LUMPUR, 30 Jun -- Jurutera S.Surintheran (tengah), yang tular dalam media sosial berhubung kejadian merempuh sebuah kedai makan didakwa di Mahkamah Majistret Ampang di sini hari ini atas pertuduhan memandu kenderaan dalam keadaan mabuk sehingga menyebabkan seorang pesara polis cedera. Surintheran, 42, bagaimanapun mengaku tidak bersalah selepas pertuduhan terhadapnya dibacakan di hadapan Majistret Farah Nasihah Annuar. --fotoBERNAMA (2020) HAK CIPTA TERPELIHARA
MELAKA: Seiku orang dagang ngaku diri enda salah ba Kourt Majistret kemari lebuh dituduh ngenakut deka munuh indai iya empu kena Hari Empat ke udah.
Iya ke dituduh, Muhammad Shaifulzaini Pazeli, 28, ngaku diri enda salah ba mua Majistret Muhammad Nazrin Ali Rahim.
Apai tiga iku anak nya didawa ngaga jenayah ngenakutka Noor Jahan Beevi Abdul Jabar, 48, ngena jaku deka munuh mansa ba rumah di Taman Tun Rahah, Ayer Keroh urung pukul 7.30 malam, 25 Jun ke udah.
Iya didawa nitihka Seksyen 506 Kanun Keseksaan ke tau ngasuh dijil maksimum dua taun tauka diukum tauka kedua-dua nya lalu enti chara ngenakut tau ngasuh mai mati tauka bakal iya ulih dijil tujuh taun tauka diukum tauk kedua-dua nya enti ditemu salah.
Dulu ari nya Sapit Pendakwa Raya, Anis Najwa Nazari merambu iya ke dituduh diberi jamin RM5,000 nyengkaum seiku penjamin, tang iya ke dituduh nadai diarika luyar ngapil ngambika jamin dikurangka laban iya nanggung anak enggau bini.
Majistret Muhammad Nazrin ngemendarka Muhammad Shaifulzaini diberi jamin RM2,500 nyengkaum seiku penjamin sereta siti atur, iya enda ulih ngachau indai iya agi.
Kourt netapka 13 Ogos deka nyebut kes nya baru nyengkaum maduka seiku luyar.