![](https://utusansarawak.com.my/wp-content/uploads/2020/08/Curi-Buah2.png)
![](https://www.utusansarawak.com.my/wp-content/uploads/2020/08/Curi-Buah2-1024x719.png)
MIRI: Empat iku diri sebakih ke dipelabaka enchuri buah empelam ba kandang sebuah rumah di Krokop kena Hari Satu ke udah bepesap mata aja lebuh ditan polis.
Maya penusah nya nyadi pukul 9.00 pagi semua lelaki ke beumur urung 30-an ditan maya benung kiruh ngumpul buah empelam.
Nitihka penerang, semua suspek nya ditangkap raban polis ari Unit Kerita Nginau Polis (MPV) ke datai ba endur nya pengudah nerima penerang bekaul enggau pekara nya.
“Kelimpah ari nya polis mega ngerampas siti guni endur nyimpan lebih ari 20 igi buah empelam bansa Thailand nyadika barang saksi kes.
“Semua buah empelam nya dipelabaka baru digumpul ari mayuh bengkah pun empelam ba kandang rumah nya sebedau dijual baru ngagai orang ke ngulihka untung ngena rega RM2.50 seigi,” ku iya .
Ku iya, semua keempat-empat suspek enggau buah empelam nya dirampas sereta dibai ngagai Balai Polis Sentral Miri laban deka ditasat lebih silik agi.
Oleh Liong Chai Ling