PENGINGAT…Ari kiba, Pemesai Puspakom Sarawak Liza Ayub, Pemesai Opis Pengangkut Jalai (JPJ) Sarawak Norizan, Direktor LPKP Masitah Anuar, Dato Sri Lee Kim Shin, Datuk Ding Kuong Hiin, Raban LPKP Milton Foo enggau Datu Buckland Bangik begambar nyadika pegingat.
KUCHING: Datuk Ding Kuong Hiing diatu dipaduka nyadi Chairman Lembaga Perlesenan Kenderaan Perdagangan (LPKP) Sarawak ke baru nganti Dr Ripin Lamat.
Pengawa maduka megai penuduk nya dipadahka Menteri Pengangkut Dato Sri Lee Kim Shin maya meri penerang kena Hari Tiga ke udah pengudah nyuaka surat kuasa ngagai Ding kena Hari Dua ke udah.
Ku Lee, kelimpah ari bekelala enggau staf LPKP Sarawak, Ding ti mega Kaban Kunsil Nengeri (ADUN) Meradong mega diberi penerang senentang pengawa Lembaga LPKP.
Kelimpah ari nya Ding mega dipadahka Direktor LPKP Sarawak Masitah Annuar senentang pengawa tauka pekara ke bisi nyadi ba LPKP.
Sama bisi enggau maya pengerami nya Menijar Puspakom Liza Jayub, Direktor Opis Pengangkut Jalai (JPJ) Sarawak Norizan Jili, Raban LPKP Milton Foo, Datu Buckland Bangik enggau bala staf Opis Menteri Pengangkut.