KUCHING: Seketeri SUPP Pampang Batu Kitang Tnay Li Ping madahka, Seketri Besai Agung DAP Lim Guan Eng (LGE) patut merening diri empu dulu sebedau iya bejai Perikatan Nasional maya meri licha ba Sabah laban enda ngemendarka mayuh bengkah projek ke udah dikemendar perintah Pakatan Harapan.
Tnay ngumbai Lim enda pedulika isu pelajar sekula China ba Sarawak sereta ngasuh isu Universiti TAR charut maya iya nyadi menteri wang.
“Taja pan Lim ngumbai diri rayat Malaysia tang iya enda pedulika isu Pelajar China.
“Sebedau tu Universiti TAR diberi agih RM30 juta sereta dikurangka ngagai semina RM1 juta aja maya Pakatan Harapan megai menua.
“Mayuh amat projek diketuka maya iya nyadi menteri wang lalu iya patut nanya diri empu nama kebuah baka lebih agi ngagai Sarawak,” ku iya.
