MUKAH: Bala sida ke kala belajar ba siti sekula sekondari mantu meri ‘temperature scanner’ enggau ‘liquid’ dikena nuchi jari ngagai SMK Three Rivers.
Sida ke meri bantu nya James Anthony enggau Mohd Akbar ti mega kala nyadi nembiak sekula Pom Lima taun 1993 urung tiga kilometer penyauh ari bandar nya.
Kelimpah ari ‘temperature scanner’, sida iya mega meri liquid dikena nuchi jari ke disuaka ngagai prinsipal sekula nya, Silvester Alan William.
Pengawa meri sereta nyuaka barang nya besai amat reti maya krisis Covid-19 ke diatur ba Gerbang Tapou sekula nya kena 3 Ogos ke udah.
Oleh Henry B Siyu
