NIAH : Tuai Rumah (TR) Bulin enggau TR Chermi ari Zon Saeh nyua pom peminta nyadi raban sereta masuk Parti Pesaka Bumiputera Bersatu (PBB) ungkup sitak Kunsil Negeri (DUN) Bekenu ditu kemari.
Menteri Muda Indu, Rauang Bilik enggau anPemsang Anak Mit ke lalu nyadi Chairman PBB Pampang Bekenu Datuk Rosey Yunus udah nerima peminta sida ba pengerami lebuh nemuai ngagai kedua-dua buah rumah panjai nya kemari.
Datuk Rosey ke mega chalun Gabungan Parti Sarawak (GPS) di DUN Bekenu madahka, sida ke masuk nyadi raban PBB nya sebengkah pekara ke manah amat lalu patut dipuji.
“Sida ke masuk nyadi raban PBB sebengkah ari tanda ke engkeman amat lalu tu deka negapka agi PBB di DUN Bekenu.
“Minggu nyin tadi, kitai mega bisi nerima pom masuk masuk raban PBB ari TR Misoon Tembak lebuh ngelawa rumah panjai nya.
Utusan Sarawak mega dipadahka pom nyadi raban PBB ari ketiga-tiga rumah panjai nya (Rumah Misoon, Bulin enggau Chermi) nya semak 100 pom.
Keba nya, nengah nerima pom nya deka ngenegapka penuduk sereta nambah penyampau undi ngagai chalun GPS DUN Bekenu Datuk Rosey Yunus ba Pengawa Bepilih Besai Negeri Sarawak Ke-12 (PRN-12) tu.