SIBU: Siku nembiak lelaki ditekan bejalaika aktiviti bejualka tambah rega kredit kena bejudi ditan polis di sebuah premis di Jalai Maludan, Hari Satu tu tadi.
Sapit Kepala Polis Pelilih Sibu, Superintenden Collin Babat madahka, saspek ke beumur 18 taun ditan dalam sebengkah abas kenyit ke digaga seraban polis Opis Nasat Jenayah (JSJ) Indu Opis Pelilih (IPD) Sibu.
“Dalam abas kenyit urung jam 3.20 galih hari nya, saspek ke gawa nyadi penjaga kaunter ditan ketegal ditekan maruk diri pengawa nambah rega kredit kena bejudi,” ku iya dalam sebengah penerang, kemari.
Nundaku Collin, polis ngerampas siti henfon enggau duit ari saspek.
“Asil peresa nemu saspek ngembuan beberapa rekod jenayah lama.
“Saspek ditan ngambika ditasat panjai agi nitihka Seksyen 4(1)(c) Akta Rumah Judi Terbuka 1953,” ku iya.