KUCHING: Komisioner Komunikasyen enggau Multimedia Malaysia (MCMC) nambahka agi pengawa nyambung broadband 4G ba Sarawak ngambika bulih taga 90 pesen enti dibandingka enggau semina 71 pesen aja ba maya ke diatu.
Menteri Komunikasyen enggau Multimedia Datuk Saifuddin Abdullah madahka, ketegal pengawa ke baka nya MCMC deka ngemanahka agi kerejasama enggau Lembaga Multimedia Sarawak (SMA).
“Pekara nya dipejuraika maya betemu enggau SMA tadi, lalu kami deka nentuka lebih mayuh agi pengawa MCMC ba Sarawak lebih agi pengawa nyambung broadband 4G.
“Pengudah tu kami deka bejuraika pekara nya lebih silik agi nyengkaum chara deka ngenyampatka pengawa kelimpah ari ngemanahka agi kerejasama antara MCMC enggau SMA,” ku iya madah lebuh dirandau pengarang berita pengudah ngatur penemuai sereta bejadi Opis MCMC Pampang Sarawak kemari..
Sama bisi enggau Tuai Seketeri Opis Menteri Komunikasyen enggau Multimedia Datuk Suriani Ahmad, Raban Lembaga SMA Tan Sri Morshidi Ghani enggau Chairman MCMC Dr Fadlullah Abdul Malek.
