IPOH: Seiku lelaki tuai ti mega orang timpang pendiau (OKU) nya deka mati lebuh iya labuh ke dalam telaga lebih ari tiga meter penalam ba Kampung Malim Nawar Tin, Kampar pagi kemari.
Pengari Opis Bomba enggau Penyelamat Perak madahka, sida iya nerima kangau senentang penusah ke nuntung P. Ramasamy, 71, maya pukul 7.27 pagi.
“Kami enggau naka penyampat nganjung tim bomba ari Balai Bomba enggau Penyelamat Kampar ngelawa endur penusah nya pengudah nerima kangau laban deka ngatur pengawa nyelamat,” ku iya lebuh meri penerang kemari.
Ku iya, raban bomba narit mansa ngena hos mit ke ditanchang ngena chara gelung (loop) ke ulih ngasuh mansa mujur ditarit ke atas enggau selamat.
Iya mega madahka, pengawa nyelamat tembu pukul 8.05 pagi lalu mansa semina bakal mimit aja maya penusah nya nyadi. – Bernama
