KUCHING, 22 Ogos -- Menteri Kanan Kerja Raya Datuk Seri Fadillah Yusof merangkap Ahli Parlimen Petra Jaya mengibarkan Jalur Gemilang pada Program Merdeka@Kumuniti 2020 kawasan Petra Jaya hari ini. Turut sama Menteri Muda di Jabatan Ketua Menteri Datuk Sharifah Hasidah Sayeed Aman Ghazali (dua, kiri). Program tersebut bertujuan menyemarakkan semangat patriotik serta cintakan negara dalam kalangan rakyat sempena sambutan Hari Kebangsaan ke-63. -- fotoBERNAMA (2020) HAK CIPTA TERPELIHARA
KUCHING: Menteri Kanan Kereja Raya (Infrastruktur) Datuk Seri Fadillah Yusof, nyeriri sekeda orang ke ngena peluang bermain politik maya menua benung agi ngena Atur Nyaga Pejalai Nyuman (PKPP) ketegal pandemik Covid-19.
Ku Fadillah, tu meh maya perintah ngatur pengawa ke patut ba nengeri enggau menua sereta meri fokus ngagai krisis baka ekonomi, pengidup enggau pengerai.
“Sapa deka bepolitik, ‘ketuka dulu’. Diatu maya kita ngatur sereta ngaga pengawa, maya kitai berunding baka ni deka mutarka krisis ke benung napi kitai.
“Kitai meseti begempung ba semua pengawa ngambika iya ke berat nyadi lempung. Kitai sama bela napi mayuh bengkah penguji dikena nentuka Sarawak enggau Malaysia lebih lantang sereta senang endur diau ngambika kitai bulih pemujur baka ke udah diasaika kitai dulu suba,” ku iya lebuh bejaku maya bejadi Program Merdeka@Komuniti 2020 ba Petra Jaya beserimbai enggau nyambut Bulan Nasional kemari.
Jaku Fadillah ke baka nya dipelabaka bekaul enggau insiden ba Kuching empai lama ke udah ketegal pengawa ke digaga Raban Nembiak Sosialis DAP (DAPSY) Sarawak napal stiker jaku China ba mayuh bengkah papan tanda jalai di bandar raya nya ke meri kebuah patut disalin ngagai jaku China ngambika bala temuai ari China nemu.
Pengawa ke diketuaika Kaban Parlimen Stampin Julian Tan nyadi viral dalam media sosial ke ngasuh mayuh amat netizen meri komen enda setuju enggau pengawa ke baka nya.
Lebuh ngenang senentang Program Merdeka@Komuniti 2020, bisi 100 iku orang ke diau ba Lorong Piala 3, Taman Sukma sama bela enggau nyereta pengerami ke diatur Opis Pemandah Malaysia (JAPEN) Pelilih Kuching.
Program nya inisiatif ari Opis Menteri Komunikasyen enggau Multimedia Malaysia ngena JAPEN meransang mensia mayauh ngambika bisi ngembuan runding patriotism sereta sayauka menua beserimabi enggau nyambut Bulan Nasional.