![](https://utusansarawak.com.my/wp-content/uploads/2020/07/Ular-Katam1.jpg)
![](https://www.utusansarawak.com.my/wp-content/uploads/2020/07/Ular-Katam1-767x1024.jpg)
BETONG: Raban bomba dikangau udah bekau ular kengkang tebu pemanjai dua meter tama bilik injin api Dewan Sukan Tan Sri Datuk Amar Kalong Ningkan bedau lama ke udah.
Kepala Balai Bomba enggau Penyelamat (BBP) Betong, PPgB Vincent Baling Yabi madahka dalam penyadi 11.25 pagi nya, ular bisa nya dipeda ulih pekereja balai balai nya, sebedau piak bomba dikangau.
“Kami (BBP Betong) bisi nerima penerang bekaul penyadi nya kena 11.35 pagi, datai di endur nya, nemu ular nya diau di bilik injin api balai nya.
“Bomba udah nya bejalaika operasi nangkap ular menggau penyintak ular lalu disimpan ke dalam guni.
“Taja pan pia, reptilia nya dilepaska ngagai habitat asal ke jauh ari tumpuk pendiau orang mayuh dia,” ku iya ngagai media bedau lama ke udah.
Ku iya, orang mayuh diberi lalau besambung enggau piak ke bekaul ke bisi pengelandik dalam ngereja kes rumah ke dipasuk jelu bisa kelebih agi ular kena nyeliahka pekara ke enda manah tau nyadi.
Vincent meri terima kasih ngagai orang mayuh di pelilih nya ke mengkang ngembuan pengarap ba penyikar BBP Betong nangkap reptilia bisa ke tau munuh dengah enggau jampat.