KUALA LUMPUR, 15 Julai -- Timbalan Menteri Perusahaan Perladangan dan Komoditi Willie Mongin (kanan) bersama Ahli Parlimen Baram Anyi Ngau (kiri) pada sidang media berkenaan perlantikan Anyi Ngau sebagai Pengerusi Lembaga Lada Malaysia (MPB) ketika Persidangan Mesyuarat Kedua Penggal Ketiga Majlis Parlimen Ke-14 di Bangunan Parlimen hari ini. -- fotoBERNAMA (2020) HAK CIPTA TERPELIHARA
KUALA LUMPUR: Kaban Parlimen Baram Anyi Ngau dipaduka nyadi Chairman Lembaga Lada Malaysia (MPB) ke baru berengkah ari 1 Julai, ku Sapit Menteri Entrepreneur Ladang enggau Komoditi Willie Mongi.
Anyi nganti Larry Sng Wei Shien ti mega Kaban Parlimen Julau.
“Iya ke dipaduka nyadi chairman beguna amat ngagai rayat Sarawak lebih agi ngagai sida ke bekebun chara mit laban 98 pesen pengawa nanam lada ba Sarawak,” ku Wilie maya aum media ba Kompleks Parlimen kemari.
Ku Willie, MPB nya siti ijinsi dipegai Opis Menteri Entrepreneur Ladang enggau Komoditi ke benung nambahka mayuh agi pengawa ba sektor ili (downstream) enggau ulu (upstream) lada ngambika ulih ngerembai nitihka peminta market.
Iya ngarapka Anyi ke udah dipaduka nyadi chairman ulih nentuka singkang tuju lada menua ari asil kerejasama ke manah begulai enggau Perintah Besai sereta perintah nengeri.
“Kitai ngarapka pengawa nanam lada ulih dingangkat sereta dirembaika ngagai tikas ke lebih tinggi agi ngambika penuduk industri lada menua ba tikas ke lebih manah sereta nyulut,” ku iya.