NILAI, 22 Sept -- Menteri Pertdagangan Dalam Negeri dan Hal Ehwal Pengguna Datuk Alexander Nanta Linggi (dua, kiri) melawat gerai pameran kraftangan selepas melancarkan Program Karnival Bumi Kenyalang dan Kempen Beli Barangan Malaysia, hari ini. Turut hadir Menteri Muda Perdagangan Antarabangsa dan Industri, Terminal Perindustrian dan Pembangunan Usahawan Sarawak Datuk Mohd Naroden Majais (dua, kanan). --fotoBERNAMA (2020) HAK CIPTA TERPELIHARA
NILAI: Bisi lima belas serikat runchit enggau tiga serikat e-dagang nyereta Kimpin Meli Barang Malaysia (KBBM) berengkah iya dilancharka bulan Julai ke udah sereta iya mega dipeda ulih narit mensia mayuh datai ngelawa endur nya.
Menteri Dagang Dalam Nengeri enggau Hal Ehwal Pengguna Datuk Alexander Nanta Linggi madahka, sida iya sigi endang meransang lebih mayuh agi serikat runchit nyereta kimpin nya dikena nyukung pengawa perintah mantu nyungkakka semua sektor runchit ke kena kachau pandemik Covid-19.
“Kami berterima kasih ngagai sida ke ngempu serikat besai baka Aeon, Mydin, Lulu Hypermarket enggau iya ke bukai laban bisi nyereta. Kami sigi endang meransang bantu ari mayuh bengkah serikat besai lalu ngarapka iya ulih diteruska ba taun ke deka datai,” ku iya madah ngagai pengarang berita pengudah pengerami ngelancharka Karnival Tanah Kenyalang enggau Kimpin Meli Barang Malaysia kemari.
Sama bisi enggau maya pengerami nya Tuai Seketeri KPDNHEP Datuk Seri Hasnol Zam Zam, Penulung Menteri Dagang Antarabansa enggau Industri, Terminal Industri enggau Pemnasang Entrepreneur Sarawak Datuk Mohd Naroden Majais enggau Chairman AEON Co (M) Bhd Datuk Iskandar Sarudin.
Ku Nanta, Karnival Tanah Kenyalang pengelama dua minggu berengkah ari 14 September ke udah ke disereta 26 entrepreneur ari Sarawak nagaka barang dijual penyampau RM350,000 lalu ba maya ke diatu udah ngerikut barang dijual penyampau RM350,000 ba timpuh lima hari.
“Aku ngarapka program tu deka diteruska sereta dikerembaika ngagai mayuh bengkah nengeri bukai dikena mantu lebih mayuh agi entrepreneur mit enggau jelan iya ba menua tu,” ku iya.