KUCHING: Menteri Komunikasyen enggau Multimedia Malaysia (KKMM), Dato’ Saifuddin Abdullah selamat datai ba Padang Bilun Antarabansa Kuching maya pukul 10.45 pagi Hari Satu ke udah beserimbai enggau penemuai ngagai Sarawak laban deka nyereta Aum Komiti Besai Nyambut Hari Malaysia 2020 ke deka disambut ba Sibu kena 16 September 2020.
Lebuh maya ba Sarawak, Dato Saifuddin Abdullah berandau terus begulai enggau Pakar Sejarah Sarawak, Datu Dr. Sanib maya Program Betemu Runding KKMM edissyen spesial maya nyambut Hari Malaysia malam Hari Satu ke udah pukul 9.00 malam ba RTM Sarawak.
Ngalih hari siti Saifuddin ngatur penemuai basa betemu enggau Tuai Pemegai Menua, Tun Pehin Sri Abdul Taib Mahmud ba Demak Jaya, pukul 10.00 pagi sebedau bekejang ngagai Sibu laban deka nyereta Aum Komiti Besai Nyambut Hari Malaysia maya pukul 2.30 ngalih hari ba Hotel Kingwood, Sibu.
Penatai iya disambut bala pemesai kanan opis enggau ujinsi perintah ke dibaruh Opis KKMM Nengeri Sarawak.
Sama enggau nyereta penemuai nya Direktor Opis Pemadah Nengeri Sarawak, Swady Guliling, Tuai Opis Komisioner Komunikasyen enggau Multimedia Malaysia, Adiman Ajem enggau Penulung Direktor Kanan FINAS Sarawak, Maffizan Saupie.