KUCHING: Polis ngatur pengawa meresa ngenyit ba siti palan endur ngatur pengawa bejudi sereta nangkap 11 iku suspek nyengkaum seiku indu perenank menua tu, enam iku indu sereta lima iku agi lelaki rayat menua luar ke beumur antara 18 ngagai 28 taun.
Ku Tuai Opis nasat Jenayah Sarawak SAC Denis Leong, meresa ngenyit nya diatur ba siti rumah teres di Taman Phoenix Jalan Batu Kawa maya pukul 7.30 malam.
Barang ke dirampas nya 11 unit laptop lalu palan nya berengkah dikena urung lima bulan ke udah sereta bulih penatai pemisi dipelabaka antara RM100,000 ngagai RM150,000 sebulan.
Ku Leong, berengkah ari 1 Januari nyentukka ngagai 17 Oktober taun tu sambung bekal eletrik ngagai 676 premis ke ditemu bisi ngatur pengawa bejudi nadai pemendar udah diputuska Sarawak Energy Berhad (SEB) lebuh ngatur pengawa meresa ngenyit begulai enggau polis.