KOTA SAMARAHAN, 24 Sept -- Menteri Pelancongan Kesenian dan Kebudayaan Datuk Seri Nancy Shukri (tengah) diiringi Naib Canselor Universiti Malaysia Sarawak (Unimas) Prof Datuk Dr Mohamad Kadim Suaidi (kanan) semasa melawat galeri sempena Lawatan Kerja Menteri Pelancongan, Seni dan Budaya ke Unimas hari ini. --fotoBERNAMA (2020) HAK CIPTA TERPELIHARA
KOTA SAMARAHAN: Asil Pengelandik Jari Sarawak ke digaga ari produk tekstil, asil kampung, asil tanah, asil besai enggau iya ke bukai tebilang amat laban alus sereta manah.
Nyentuka ngagai 31 Julai 2020, bisi 1,036 iku entrepreneur asil pengelandik jari ba Sarawak udah ngerijista diri enggau Kraf Tangan Malaysia ke bisi pengereja 753 iku sereta 2,054 iku komuniti asil pengelandik jari.
Ku Menteri Dagang Temuai, Arts enggau Main Asal Dato’ Sri Nancy Shukri, penyampau barang enggau asil ke udah digumpul sereta dijual bala entreprenur asil pengelandik jari Sarawak bisi RM8.3 juta.
“Dikena ngerembaika industri asil pengelandik jari MOTAC bisi perambu deka nambahka produk asil pengelandik jari ba endur eko-dagang temuai di Sarawak.
“Nya kebuah kerejasama enggau Perintah Sarawak dikemanahka agi lebih agi ba pengawa ngemansangka produk asil pengelendik jari baru ke mandangka penyelai motif design raban bansa asal Sarawak.
“Produk asil pengelandik jari ke diasilka deka dijual nyadi pemeri naydika pengingat ngagai bala temuai ke bisi datai ngelawa taba eko-dagang temuai nya,” ku iya.
Iya mansutka jaku munyi nya dalam teks jaku maya ngatur penemuai bejalaika pengawa ba Universiti Malaysia Sarawak (UNIMAS),
Program Kraf Komuniti Ku (KKK) mega udah netapka mayauh bengkah produk unik Sarawak nyengkaum anyam rutan ari komuniti Penan Miri, anyam kulit rutan ari komuniti Baram, poduk asil pengelandik jari besi (senyata) ari komuniti Lawas enggau produk marik ari komuniti Bidayuh ba kandang eko-dagang temuai Bau.
“Lebuh napai gaya baka ke diatu, kitai meseti besedia sereta nelebaka diri enggau norma baru dikena nentuka industri dagang temuai enggau main asal ulih meri penatai pemisi ngagai ekonomi menua.
“Ngarapka mayuh bengkah pengawa ke udah diperambuka ulih ngasuh industri tu besemekih nyengkaum sukung sereta kerejasama enda bebagi ari semua orang ke bisi besangkut paut lebih ngagai industri bukai,” ku iya.