SARIKEI: Sarawak Full Gospel (SGF) Church Sarikei nerima cek penyampau RM100,000 ari Unit Nyaga Agama Bukai (UNIFOR) ba timpuh taun 2020 (Renggat 1).
Sama bisi enggau maya pengerami nyuaka chek kena Hari Enam ke udah nya Kaban Kunsil Nengeri (ADUN) Repok, Dato’ Sri Huang Tiong Sii.
Agih ari UNIFOR nya dikena ngadu enggau ngemanahka gerija nya.
Kelimpah ari nya Huang mega ngemendarka agih Projek Transformasyen Menua Pesisir (RTP) 2020 penyampau RM150,000 diberi ngagai gerija nya.
Pastor Lu ke ngarika gerija meri terima kasih ngagai Huang ketegal peduli sereta nyaup minta agih dikena ngadu enggau ngemanahka gerija.
Kelimpah ari nya raban gerija mega ngasuh Huang nasih tanah endur ngaga Sarawak Full Gospel Church Sarikei.
Oleh Earl Anek
