Rumah Merikan Lobang Kompeni, Poyut / Lubok Nibong kemari.
MARUDI: Opis Pengelantang Pendiau Mensia Mayuh (JKM) Marudi nganjung bantu pemakai ngagai palan kuarantin ba Rumah Merikan Lobang Kompeni di Poyut/ Lubok Nibong kemari.
Nitihka Pemantu JKM Marudi Nursusheilla Abdullah, bisi 45 pek pemakai, pampers enggau tusu dianjung ngagai palan kuarantin nya ngambika bisi dikena ba timpuh 14 hari.
Sida ke diau ba Rumah Merikan Lobang Kompeni enda dikemendarka bejalai tauka mindah ari rumah panjai nya pengelama 14 hari berengkah ari 13 April nyentukka ngagai 26 April 2021 laban bisi kontak semak enggau kes positif Covid-19.
Ketegal gaya ke baka nya bantu pemakai baka beras, bihun, pemakai dalam tin, kopi, teh, telu manuk, mee jampat disumai, minyak makai, gula, garam, biskut enggau tepung gandum mega dianjung ngagai 78 iku sida ke diau ba 25 pintu ke udah dikuarantin ba rumah panjai nya.