SEBAUH: Rumah Meikle Ding, Sebauh berengkah ngena Atur Pejalai Dijaga Terit (PKPD) tekala nya ba timpuh 14 hari berengkah ari 12 ngagai 25 April 2021.
Kebuah baka nya laban Opis Pengerai Bagi Menua Bintulu udah tetemuka bisi sida ke diau ba rumah panjai nya bisi kontak semak enggau kes positif Covid-19 kena Hari Satu ke udah.
Kebuah atur nyaga ke baka nya diteritka ngambika semua sida ke diau ba rumah panjai nya ulih ditemu bisi kes chara aktif.
Pengawa ke baka nya ulih ngasuh staf Opis Pengerami Bintulu nguji sereta nemu sida ke bisi aktif Covid-19.
Dikena nentuka sida ke diau ba rumah panjai nya nitihka prosedur operasyen standard (SOP) sereta enda pansut ari rumah nitihka timpuh baka ke udah ditetapka, raban polis diasuh nyaga sereta nyekat sebarang pejalai.
