MUKAH: Ari asil pengawa meresa ke udah digaga sida ke bekusa ba premis nyual penutup mulut enggau idung meda rega barang nya nitihka rega baru baka ke ditetapka.
Nya munyi penerang baka ke disebut Tuai Pampang Opis Menteri Dagang Dalam Negeri enggau Hal Ehwal Pengguna(KPDNHEP) Mukah, Salihin Den maya lebuh ngenang senentang pekara nya kemari.
“Lebuh meresa rega baru penutup mua enggau idang ke berengkah kena 15 Ogos nyentukka sehari tu semua orang dagang nitihka rega baru baka ke udah ditetapka perintah iya nya RM1 sekepin,” ku iya.
Iya mega madahka, sida iya udah ngatur pengewa meresa 54 kali ba farmasi enggau supermarket sereta meresa 76,150 kepin.
“Nitihaka penerang pemekal penutup indung enggau muut nya Eastern Pharma Sdn Bhd Kuching, Cheh Ming Sdn Bhd Sibu, Acdoco Polo Sdn Bhd Bintulu, Costmed Pharmacy Sibu, Box World Kuching enggau SSJ Pharma Sdn Bhd Sarikei,” ku iya.
Ku iya, bansa pentup mulut enggau idung ‘3 ply’ ke mayuh agi dijual nya Model “Disposable Face Mask” laban rega iya lebih mudah enti dibandingka enggau ‘Surgical Face Mask’.
“Nitihka rega runchit bansa ‘Surgical Face Mask’ sekutak iya berengkah ari RM 9.90 ngagai RM50.00 lalu ngagai bansa ‘Disposable Face Mask’ iya berengkah ari RM8.00 ngagai RM40.00,” ku Salihin.
Ku iya, tebal agi farmasi nadai nyual bansa ‘Surgical Face Mask’ laban rega iya lebih mar sereta enda ulih dijual nitihka rega baru.
“Ba maya ke diatu ulih dikumbai bekal penutup mulut enggau indung sigi chukup sereta senang deka meli,” ku iya.
