DEBAK: Komuniti orang berikan sungai enggau darat ba Kunsil Nengeri (DUN) Saribas madahka sebana diri empu ngambika enda tinggal sereta sama bela nerima bantu baka ke dipadahka perintah.
Semua orang berikan ba kandang menua nya ngasaika sida iya patut bisi pengari orang berikan sungai ngatur pengawa dalam PNK ke ukai semina meratika orang berikan tasik aja tang ngambika sama bela meratika orang berikan sungai enggau darat.
Nya kebuah Kaban Kunsil Nengeri (ADUN) Saribas Mohamad Razi Sitam sama bela enggau nyereta randau begulai enggau orang berikan sungai enggau darat ba sitak DUN Saribas kena Hari Lima ke udah.
Semua orang berikan ke nyereta randau begulai enggau ADUN Saribas datai ari Kampung Medang, Supa, Mangut, Serembang, Bungin, Buda, Sebemban, Debak laut, Debak enggau Kampung Dit ke dijaga Gerempung Orang Berikan Kandang (PNK) Pusa.
Ku Razi, lebuh meri bantu ngagai orang berikan sungai enggau darat iya mega patut diberi sama adil sebakaka enggau bantu ke diberi ngagai sida bukai ke sama bela bisi penanggul.
“Anang milih bulu orang berikan sekalika sida iya orang berikan sungai, darat tauka tasik. Enti deka meri, beri sama sebaka ngagai semua laban semua orang berikan sama bela mantu nyungkakka ekonomi menua enggau nengeri.
“Orang berika darat enggau sungai enda nyalah baka anak tiri enti nyema madahka bantu semina diberi ngagai orang berika tasik aja. Nya sigi enda adil ngagai aku,” ku iya.
Razi ngarapka ijinsi ke besangkut paut meratika pekara nya lebih serius, lebih agi ngagai raban orang berikan ba DUN Saribas ke agi mayuh amat patut dibantu nyengkaum nyaga pengelantang pendiau sida iya.
鉄ida ke besangkut paut patut meratika sebana bala sida nya enggau naka ulih. Aku ngasaika ukai semina raban orang berikan ba DUN Saribas aja bisi penanggul ke baka tu, tang nyengkaum semua pelilih menua bukai ba nengeri tu.
哲ya kebuah aku enggai agi meda pengawa meri bantu enda adil ngagai raban orang berikan sungai enggau darat laban sida iya mega sebaka enggau raban orang berikan tasik. Sida iya mega bisi hak sereta pengelantang pendiau sida mega patut dijaga,・ ku Razi.
Kelimpah ari nya Razi mega merambu ngambika sub-pampang PNK ba Pasar Debak ditumbuhka.
釘atang tuju nya dikena ngemudahka raban orang berikan sungai enggau darat ba DUN Saribas nyengkaum PNK ulih meri penereng pemadu baru nyengkaum insentif bantu ulih ditemu bala sida nya lebih jampat agi.
鄭ku enggau naka ulih ngenataika penemu enggau sebana sida nya diperatika sereta dibai ngagai tikas ke lebih tinggi agi baka Opis Betanam Betup ke nyadi ijinsi ngatur bantu.
哲asit raban orang berikan darat enggau sungai ba DUN Saribas deka diperatika,・ ku iya.
Razi mega madahka, Saribas bisi pesaka sungai ke tebilang ba negeri tu baka ikan buntal, ikan bulu, udan enggau iya ke bukai.
Oleh Adi Safarman