KUCHING: Penusah angus bisi nyadi ba Sejingkat Power Station (SPS), Jalan Bako urung pukul 6.00 pagi kemari ke nganguska sekeda ari perengka ba endur nya.
Komander Operasyen Mohammad Meramit madahka, maya penusah angus nya nyadi semina seunit tubin aja angus.
“Emergency Rescue Team (ERT) enggau naka ulih nyaga sereta nyekat api ngambika enda nyerarai ngena dua nozel, 200 kaki pemanjai enggau ai ari sisitem pam bisi pressure,” ku iya.
Ku iya, pengudah nya raban Bomba mujur madamka api ngena tiga agi nozel, 400 kaki pemanjai ngena ari ari ‘firehydrant’ ke enda jauh ari nya.
“Endur ke angus nya dipelabaka urung 80 pesen sereta nadai seiku orang bebadi tauka bakal,” ku iya sereta madahka, api tembu dipadamka urung pukul 7.50 pagi,” ku iya.
