MIRI: Seiku tukang chat ke tepelantimg beberapa meter pengudah motosikal ke ditepan iya belantak enggau sebuah kerita ba Jalan Miri-Bintulu, Miri kemari.
Maya penusah bebadi ke nyadi urung pukul 12.30 tengah nya, mansa ti benama Francis Bit, 44, ditemu mati ba endur penusah nya nyadi.
Kepala Polis Pelilih Miri Asisten Komisioner Lim Meng Seah madahka, kebuah penusah bebadi jalai raya nya nyadi dipelabaka lebuh kerita bansa Toyota Prado ke ditepan seiku indu beumur 60 taun datai ari Jalan Airport ngelawa bandar enda ulih ngemduka kerita iya agi lebuh datai ba endur nya sereta tepawah tama ngagai sepiak jalai sebedau ngelantak motosikal ke ditepan mansa.
Ku iya, penusah bebadi nya ngasuh kerita ke ditepan indu nya tetungkup sereta mansa tepelanting beberapa meter ari motosikal ke ditepan iya.
“Maya penusah bebadi nya nyadi mansa ke nepan motosikal nya balat bendar bakal sereta mati be endur nya lalu deriba kerita nadai bakal,” ku iya.
Ku Lim, bangkai mansa dianjung ngaga Hospital Miri laban deka ngaga pengawa ke patut.
“Ba maya ke diatu pengawa nasat agi diteruska nitihka Seksyen 41(1) Akta Pengangkutan Jalan (APJ) 1987,” ku iya.
