SIBU:Siku lelaki parai lepas motosikal ke ditepan iya kena eksiden diri empu di Round about Teku, ditu urung jam 12.01 tengah malam kemari.
Mansa, Galing Andrew Anding, 36, beasal Rumah Pilai, Pala Wong, Kapit, balat bebadi lalu disah ninggalka dunya di endur penyadi ulih seraban medikal Hospital Sibu.
Mandal Kepala Polis Pelilih Sibu, Superintenden Collin Babat madahka, tasat tumu nemu eksiden nya nyadi lebuh motosikal ke ditepan mansa angkat ari tunga pusat bandar.
“Lebuh nengah Jalai Ling Kai Ching motosikal mansa enda ulih kemudi lalu ngelantak pembagi jalai, udah nya mansa tepelasit di atas jalai alun,” terang iya ngagai pemberita.
Ku iya, ketegal eksiden nya mansa balat bendar bebadi lalu disah ninggalka dunya di endur penyadi ulih piak Hospital Sibu.
“Kes mengkang ditasat,” ku iya.
Oleh Akun Giman