An artist's impression of the new Unifor complex in Kuching.Ñ ZULAZHAR SHEBLEE/The Star
KUCHING: Pengawa ngaga kompleks Unit For Other Religion (UNIFOR) mandangka Perintah Sarawak serius deka nentuka aspek pemanah kaul agama enggau penyerakup mensia mayuh.
Ku Datuk Dr Abdul Rahman Junaidi ti mega Penulung Menteri Hal Ehwal Islam enggau Dewan Bandaraya Kuching Utara, pengawa ngagai kompleks nya ngayanka pelasar Perintah Sarawak enda ninggalka sebarang raban bansa (inklusif) ke diau mendam ba nengeri tu.
“Bala tuai ba Sarawak ngembuan runding seruran meratika sereta nyaga semua raban bansa enggau agama.
“Bisi pengari rayat agama Islam merambu nganga gerija ba kandang sida iya empu lalu baka nya mega pengari rayat ukai Islam ke merambu ngaga masjid tauka surau sama bela ba kandang diri empu,” ku iya lebuh dirandau pengarang berita.
Nya ngayanka senentang penyelai ke bisi dipeda ba Sarawak ke alai rayat ari mayuh bengkah raban bansa seruran ulih nerima pangan diri.
“Aku ngarapka kompleks nya digaga laban iya ulih ngasuh rayat Sarawak beserakup enda ngira bansa enggau agama,” ku iya.
Iya mega ngarapka bala tuai agama ba Sarawak ulih ngasuh kompleks nya nyadi platform endur berunding dikena negapka agi penyerakup rayat jemah ila.
Pengawa nganga Kompleks UNIFOR nya mega ari asil penemu enggau idea Kepala Menteri Datuk Patinggi Abang Johari Tun Openg.
Oleh Asyraf Halim